前日確診豬流感的Stephy，昨日仍然在家隔離休息，並於下午4時許發表以「生病……」為題的網誌：「沒想過這些事情會發生在自己身上，病菌實在太厲害，反覆的發燒、咳嗽、全身疼痛、沒胃口……吃過藥睡夠了，今天終於好了一點……小小的病痛也算是一點福氣，你們的愛足以替我打敗病菌。」

戴口罩唔想播毒

Stephy指收到老闆的花籃，朋友和同事短訊慰問，還有媽咪懷着無懼精神來照顧，相信自己很快康復，並希望有跟她接觸的朋友會安然無恙。金牌大風發言人指Stephy前日已退燒，醫生謂兩、三天就會康復，昨日公司沒有歌手或同事確診。

金牌藝人Kary和森美昨日出席「香港電腦通訊節2009」開幕禮，Kary主持完儀式後，返後台即戴上口罩接受訪問，她說：「我咳咗成個禮拜，3日前漏夜發燒，當時都好擔心，去醫院check咗好在冇中招，昨日至退燒，今日活動始終人流多，唔想傳染畀人，所以戴口罩。（有冇接觸過Stephy？）冇，只係通電話，大家發燒互相慰問一下。」

森美自爆頭暈暈

不過，除了Kary有戴口罩外，森美和兩位金牌大風的助手都冇戴口罩，森美說：「我都驚㗎，屋企有小朋友昨日發燒，好擔心，好在睇醫生後退咗燒，依家金牌大風變金牌傷風。（呢幾日有冇見過Stephy？）《機器俠》首映見過，當時佢都冇事，反而唐素琪唔舒服，睇咗一半就走。（你有冇去醫院check？）唔好講，講完好似頭暈暈。」而金牌就指唐素琪並沒有中招。

採訪：音樂組