王喜拍攝《烈火雄心3》改劇本，因而與同劇的鄭嘉穎傳不和。昨日王喜與鍾嘉欣為新劇《囧探查過界》拍攝外景，鍾嘉欣開腔力撐王喜為人友善，她說：「改劇本好多藝人都會，有時改少少我覺得冇問題，否則會變咗機械人咁。今次同佢合作大家有商有量好正常。佢成日傳同對手不和，我都戥佢好唔抵，佢份人好好。」

鍾嘉欣坦言最初亦誤以為對方是麻煩友，但她自言不會相信外間的閒言閒言，她說：「我只會同對方相處過，用自己嘅經歷去感受對方嘅為人點樣，佢好善良、好勤力、好叻。」而以o靚模打扮的鍾嘉欣，為配合角色要戴大眼仔和染髮，更要學講潮語，她說：「有時拍完都改唔到口。」

王喜爬上像火爐般熱的車頂拍攝救人戲份。

放大圖片

徒手上車頂

王喜未有受負面新聞影響，瞓身拍攝一場炒車戲份，冒着炎熱天氣徒手爬上車頂救人。雖然車頂被太陽曬得像火爐一樣熱，他亦頂硬上完成拍攝，期間有血漿流入眼亦毫無怨言。而同場身穿性感吊帶裝現身的苑瓊丹，不忘走到王喜面前擾攘一番，笑說：「睇吓我啦，我請你食冰淇淋消暑呀，係咪覺得好啲呢？」

文：影視組