Ken、詩雅與家樂昨日出席英皇電影《很想和你在一起》宣傳，鑑於三人於片中不乏親熱鏡頭，所以便即席示範借位接吻，當兩男作狀咀嘴時，惹來現場fans叫囂聲不斷，及後他們與fans玩擲骰仔遊戲，擲中者可分別與他們拖手、錫額頭及搭膊頭等，由於與詩雅一組乃男fans，司儀見狀即把該男fans與Ken之女fans對調，雖然女fans無奈接受，但全程卻扁嘴，詩雅見狀即頻頻安撫她。

票房不俗

對於該女fans未能與偶像同一陣線玩遊戲，詩雅說：「真係唔好意思，唔關我事㗎！我已經叫佢唔好唔開心，但佢好似唔鍾意我咁嘅。」Ken則透露非首次與fans近距離接觸，更曾試過被瘋狂女fans奪吻，故已相當有經驗。談到今年暑假檔電影票房不俗，Ken笑言有如打了強心針，還有意於正式上映時喬裝入場看觀眾反應。

文：影視組