Joey前晚出席《Summer Pop Live in HK》音樂會，擔大旗一口氣又唱又跳半小時，掀起全晚高潮，眼見她不時在胸前自摸，性感非常，Joey事後解釋說：「真係好攰，頭先仲差啲飛bra，我即刻用手㩒住。」

跌到落肚臍

鬼馬的Joey笑言如果意外「走bra」，就決定扯出來送畀台下觀眾，她說：「Summer Pop吖嘛，最緊要夠Pop，我諗如果今日戴個靚啲嘅bra都敢，（今日唔靚？）普通咗啲囉。」她自爆初入行曾經試過bra移位，跌到落肚臍，最終要雙手交叉胸前避免出醜，Joey說：「我都唔算烏龍，係穩陣派，（飛釘？）邊有釘飛吖，小沙塵就有。」

對於香港演藝界發起台灣賑災活動，Joey表示即將到內地宣傳，雖然未有時間出席，但前晚完騷後就立刻趕到無綫，參與賑災歌曲的錄音工作，非常有心。

以短裙現身的阿詩即時引起哄動。	泳兒當晚亦賣力演出。	陳偉霆在台上大玩疊羅漢。

着短裙晒腿

另外，曾在遊戲中自爆性取向的何韻詩當晚以短裙亮相，立即引起哄動連連，阿詩說：「黐線，大驚小怪，入行十幾年，每次着大家都咁大反應，其實着裙主要都係配合隻碟主題，（買多咗好多裙？）冇呀，我次次都係着呢條。」

採訪：音樂組