昨日下午二時半，子淇與夫婿李家誠十指緊扣出現四季酒店，主持次女Hayley出世92日大搞千萬元百日宴，一日連搞兩場宴會，豪使逾千萬元！一身貴婦打扮的子淇，穿上約三萬元的淡黃色裙，並佩戴約千萬元的鑽飾，貴氣逼人。子淇與李家誠一起接受訪問，當講到全城關注的追男丁話題時，李家誠愛妻心切：「盡量，都要抖番一年，等子淇身體復原先！」

已為兩女之母的子淇自言生足四個，坦言生BB有壓力，自爆會跟坊間生仔秘方：「好多人話計時間同埋食嘢，我會盡量跟，生仔生女係緣分！（生幾多個？）生住四個先！」當李家誠被問到如何感激子淇時，子淇大晒幸福：「唔使感激！我自己都好開心，生呢兩個女，The best thing happened to us!」

小晞兒扮青豆的照片，十分可愛。

子淇與李家誠十指緊扣為囡囡搞百日宴。

兩女兒似足爹哋

而子淇謂兩個千金都似足爹哋，並強調冇偏心：「兩個都錫，生BB協議咗要公平，無論生幾多個都要個個咁錫！」至於兩個千金都比較黐爹哋，子淇發嬌嗔：「兩個都唔黐我，淨係黐爹哋，一返嚟就攬住佢，希望下一個會跟我多啲！大女有少少妒嫉，會行去妹妹度，但佢Say hello就走。」記者着李家誠錫錫子淇，不過他就尷尬拒絕：「呢啲嘢喺屋企做。」子淇則謂日日錫，經記者再三要求，子淇便主動錫了李家誠一啖，有記者表示影不到相，他們亦相當合作，即時咀嘴。

徐父（右二）送上「實發両」金桃賀親家。

鄭裕彤出席百日宴。

四叔傳生仔秘方

晚上喜宴，四叔於七時十五分到達，心情大靚的四叔被問到是否想追個孫仔抱，他說：「希望晞彤、晞兒可以帶兩、三個弟弟嚟，咁就合家歡！」記者轉告四叔子淇表示生四個，他回應：「兩個加三個咪五個囉！佢之前都三年抱兩，好多人都傳生仔秘方畀我，全部畀家誠睇！」四叔又讚孫女腳頭好：「應該好啦，依家經濟復甦緊。」而富豪鄭裕彤、郭炳江、郭炳聯及霍震寰亦有出席。

另邊廂，子淇的父親徐傳順身為金至尊集團董事，就特意打造一座名為「實發両」的18両足金金桃作賀禮，金桃雕上「鳳姊龍弟 旺相吉祥」意頭十足的字句，寓意祝賀四叔抱完孫女再抱男孫，全家旺相吉祥。

而百日宴吸引近百記者到場採訪，李家為記者備約近14萬元的膳食，包括價值450元一份的Tea Box共80份，和價值680元一份的Dinner Box共120份，以及大量飲品！

文：名人組