24味前晚拍攝新歌《Huge》的MV，歌詞大膽描述大胸女性的吸引力，負責填詞的阿肥說：「首歌係講男與女、視覺享受、冰淇淋、煉奶、波罅嗰啲！（為o靚模而寫？）我寫嗰陣佢哋未出道，得12歲都未有波罅，不過我哋冇歧視o靚模，仲好欣賞佢哋，啲o靚模真係靚到冇人有，靚到冇朋友呀！」

性感不等於猥瑣

問他們何不邀請o靚模一起拍攝？子聰即謂：「我唔鍾意o靚模喺度，我鍾意老模，因為我都係老模！sexy唔係cheap，係好嘢係讚美，唔係猥瑣嘅嘢！」他坦言並非為了太太何超儀不喜歡o靚模才不邀請：「其實嗰件事係翻譯上嘅出錯。」

至於外父何鴻燊現時情況如何，子聰表示無大礙。另外，何超儀昨日再度在網誌發功，以「才藝勝於外表」為題介紹樂隊The Gossip，指有才藝先值得欣賞和尊重，似是暗寸「得個樣」的o靚模。

老外掃背好正常

阿肥對於女友黃泆潼日前有指被老外掃背，阿肥坦言不介意：「我冇嬲，我都有好多女仔朋友，好正常，佢有同我講過，個男仔我都識。」

文：音樂組　攝：倪立煌