劉美君前晚素顏綵排音樂會，戴黑框眼鏡遮病容，她嘆說：「哮喘發作呀，昨日開始心口痕，已經知道賴嘢，噴咗藥都唔舒服，今早即刻睇醫生，本來要食類固醇，但我怕失聲改食其他藥。」因為服藥後面腫兼冇化妝，劉美君拒絕影相；至於有份綵排的蘇永康卻缺席，前晚有人目睹他現身醫院，據知康仔親人有病，不過他透過唱片公司否認，表示只是探朋友。
此外，劉美君主持《超級巨聲》被狠批表現欠佳，昨日她與無綫高層陳家揚及監製麥鎮東出席飯局，問她可感壓力？劉美君說：「我一向唔會理，乜都有人講，一部分人講梗有佢哋原因，不過唔代表全部人。」不過她亦承認自己反應慢半拍，有改善地方。
