緋聞男女錢嘉樂、湯盈盈早前被指分手後，日前錢嘉樂在活動上已公開否認，並暗認拍拖，而前晚湯盈盈出席首映時，對於有關傳聞表示有聽講過，提到錢嘉樂暗認拍拖時，盈盈即甜絲絲表示：「吓，唔知喎，冇傾過呢啲嘢。（傳你哋分手喎？）有聽講過。（係咪真係分手？）點呀，啱啱知呢啲消息，總之感情生活開心，多謝大家關心。（幾時拖手公開呀？）唔會喇。（係咪好穩定喇？）大家好好朋友。」
而活動上，司儀陳芷菁叫錢嘉樂上台影合照時，開玩笑謂：「嘉樂與盈盈暫時唔可以同台，咁就要搵番李珊珊啦。」雖然樂樂、盈盈先後到場，不過就未有碰頭，而盈盈就孖住Toby（梁靖琪）現身。
