電影《LAUGHING GOR之變節》前晚舉行首映禮，吸引大批藝人撐場，有份演出的呂慧儀、葉翠翠更以低胸性感衣着上陣，搶了女主角陳法拉不少風頭，事後以白色tube dress示人的陳法拉表示：「件衫我揀咗好耐。（唔夠性感畀人搶晒鏡？）個個人身材都唔同，打扮各有各靚，戲裏我嘅角色好純品好乖，所以着番清啲，呢條裙係連卡佛贊助，價值兩萬蚊㗎！」
法拉又表示今次是她首部電影首映，故心情緊張，問到有否請緋聞男友Neway太子爺出席？她避忌說：「叫咗好多朋友嚟。」而早前有傳與法拉不和的諸葛梓岐，在首映開場後，拖着Neway二公子薛嘉麟匆匆入場。
至於以性感示人的呂慧儀，解釋是為支持公司首部電影，她說：「我都有份演，咪着靚啲，今日對自己嚟講好大件事。（怕唔怕搶法拉風頭？）唔會。我為咗着呢件衫，用兩日時間減咗八磅。」同場緋聞男友黃文迪刻意避忌，不願合照，呂慧儀更全程黐實黃秋生。