鄧麗欣（Stephy）與吳雨霏（Kary）日前為服裝品牌Veeko拍攝新一輯硬照廣告，她們早前獲廣告商加碼續約1年，Stephy笑言兩人一埋位即擺出「絕代雙嬌」甫士，甚有默契。完成廣告拍攝後，Stephy便到澳門通宵為新戲趕工，她無奈地說：「我廿四小時冇得瞓，成個月都係咁啦，屋企張床都發晒霉，洗衫都冇時間，連底（褲）都冇得換啦！」Kary日前拍攝MV時亦險生意外，現場吊起兩道車門作布景，突然其中一道車門在Kary身旁跌下來，雖然無人受傷，但卻拍下了Kary被嚇倒的表情，Stephy笑謂：「佢個樣同上次燒廚房一樣，我建議佢放上YouTube同大家分享！」
另外，Stephy昨日從澳門返港，為首次來港的中國女排成員打氣，席間更獲贈金排球吊墜。她稱最欣賞「重炮手」王一梅：「我都打過7、8年排球，仲入過香港隊青年軍，不過入行之後就冇打啦！」