日籍女模椋名凜（Rin），出道以來肯搏肯露，成功在一眾G模之中殺出一條血路，隨着知名度大增，Rin繼續我行我素，縱使捲入虛報年齡及曾拍全裸寫真風波，仍無損大好心情。擁有勁爆35E身材的Rin，日前穿上三點式泳衣，與貌似球壇靚仔基斯坦奴朗拿度（C朗）及嫩版狼人曉積文的兩名型男，結伴到恒豐酒店泳池戲水。

椋名凜享受翻版C朗的推油技術。	椋名凜被嫩版曉積文抱實準備拋落水。	椋名凜被拋下水時嚇得嘩大叫。

池邊享受推油

早前正版Paris Hilton與C朗搭上，有日版Paris Hilton之稱的Rin亦學到足，情傾翻版C朗。三人先在泳池邊互相拍照熱身，之後翻版C朗見Rin欲享受日光浴，便即獻殷勤，為伊人在全身塗上太陽油，Rin不但沒有抗拒，更一臉享受表現冧爆。此時，Rin發現在旁的嫩版曉積文悶悶不樂，即主動撩對方傾偈，逗得對方哈哈大笑，更出其不意抱起她，旋即拋她下水，開一個大玩笑。

椋名凜被翻版C朗輕易舉到半空中。

椋名凜與翻版C朗蜜蜜飲，身後的嫩版曉積文十分無癮。

被掟落水的Rin雖然嘩鬼叫，但不怒反笑，翻版C朗即識做地跳進池內陪她暢泳兼玩騎膊馬，發揮正版C朗強項「控球頂波」，結果Rin細小的比堅尼上衣不慎移位令「咪咪」出走，露出南半球。經一輪廝磨，Rin和翻版C朗齊齊到池邊飲冰凍飲品降溫，只見兩人愈傾愈埋，35E上圍幾乎貼緊男方胸膛，令嫩版曉積文相當無癮急急叫離開，Rin則拉着兩型男齊到池邊留影，才捨得換衫走人。

趁約會練英文

其後記者致電Rin，問她為何兩男一女同行？Rin說：「因為大家都係同公司嘅同事，成日都有機會傾偈所以好熟，加上我想練好啲英文，咪多啲一齊囉！（有冇發展機會？）我身邊有好多男仔，慢慢睇吓先，每個人都有機會，視乎佢哋嘅表現啦！」談到她與翻版C朗似乎最投契，Rin冧爆說：「翻版C朗好勁㗎，佢係羅馬尼亞連續三屆最受歡迎男模，又成日上國際雜誌封面。」

文：影視組