Yumi及Melody（陳若嵐）推出的寫真集《My Yumi My Melody》銷量達三萬本，昨日二人舉行祝捷會，獲老闆林建名親自到場祝賀，二人即時作狀向老闆獻上香吻。

日前Yumi被《東方新地》拍得跟一名鬍鬚男在公園親熱兼到酒店過夜，期間Yumi拿着數張鈔票，惹來援交之嫌。Yumi解釋該鬍鬚男是其髮型師，又自爆跟對方拍拖約兩個月：「佢係我男友，唔係援交，喺公園親熱冇問題。之前係我叫佢買啲嘢，所以當日我係畀番錢佢。（點解去酒店過夜？）屋企有啲問題，返唔到去，所以男友陪我去酒店。」

否認援交

對於被拍到在另一名男子的家發生爭執，Yumi即一臉無奈的表示對方是其前男友：「分咗手兩、三個月，以前我哋一齊住，當日我係拎個篋上去執番啲嘢。（鬧交？）因為好掛住啲貓，返去見到唔開心。」

Yumi否認一腳踏兩船，又指自己從未援交，但就坦承以前曾被問價。她說：「簽咗公司之後就冇人問。曾經有有錢人追過我，公司都冇話唔畀拍拖，但我拍拖係會揀自己鍾意嘅，唔係為錢。」她續說經過今次事件後，日後會更檢點：「麻煩到公司好對唔住，我知今次我好任性。（仲去唔去酒店？）唔去。（怕畀人雪藏？）如果懲罰我都係為我好，老闆係好錫我，當然唔想雪藏。」

唔會復合

最後問Yumi經過今次事件會否影響跟新男友的感情？她竟自爆已跟對方分手：「都影響到佢，我換咗髮型師，今次對佢嚟講係大打擊，呢幾日雙方已提出分手，（復合？）唔會。」

據知該名鬍鬚男名叫Jamie Lee，於髮型屋工作，曾擔任Yumi的髮型師，二人到海南島拍寫真集時撻着。昨日記者致電Jamie，他說：「佢（Yumi）之前幫我買嘢，我畀番錢佢。」明顯跟Yumi口供不一致。而問他跟Yumi兩人在酒店做甚麼時，他表示：「呢個唔方便回應。」他又承認曾跟Yumi拍拖，但二人已分手，對方亦已經轉換髮型師。

文：名人組