回巢無綫的陳慧珊前晚首日為新劇《搜下留情》開工，黃昏時分陳慧珊已到達西貢的拍攝現場。她透露首日開工已經要通宵拍攝：「我已經三年冇拍電視劇，不過間中有拍電影，都唔知自己可唔可以習慣到，不過慣咗正常生活，突然之間要捱夜一定會好眼瞓，惟有靠意志撐住。」重新拍劇陳慧珊坦言感到很刺激，見到以前合作過的工作人員感到相當親切。
對於撇下女兒不分日夜拍劇，陳慧珊表示雖有掛住囡囡，不過這都是為女兒着想，不想她太黐身：「我想佢知道世界上唔只得媽咪，最近我經常自己出街，等囡囡適應媽咪唔響身邊嘅日子。」問到會否學袁詠儀向無綫開條件要多時間休息？她謂：「唔會！依家傾好嘅，都係得呢套劇，之後會唔會再拍第日先算。」
