講到杜琪峯指某些香港演員甚有氣燄，爾冬陞坦言有類似經驗，他說：「曾經有部戲搵一位天王級演員，約四次都係經理人出來，我拍咁多年戲，又唔係黑社會，驚咩啫！（係邊個？）無謂講，呢行禮貌最重要，我好認同馮小剛話『我哋需要明星，但唔可以依賴明星』。」更指只有一閃即逝的隕石才會畀面色別人看，真正的天王不會如此。

另外，爾冬陞最近忙於為《鎗王之王》睇景，深感天氣太熱，有意安裝特別冷氣，對此古天樂最贊成，坦言在夏天拍戲很辛苦，成身汗，最厲害連續兩日沒有睡，他說：「等人轉景即刻瞓一瞓，試過睡姿唔好，搞到半邊身郁唔到。」