蔡卓妍（阿Sa）昨日出席「太陽計劃」活動，同場有方珈悠、李蘊及溫家恒等，吸引大批市民企滿三層商場圍觀。有消息指阿Sa將夥拍吳君如演出王晶新片《美麗密令》，阿Sa稱：「我係有睇過個劇本，但係仲有細節要斟。（着泳衣係咪收貴啲？）唔關事，最緊要個劇本，可能導演知我想同君如合作，而且我最鍾意拍笑片。」
問到會否介意以水着演出？阿Sa說：「三點式定一件頭先？我驚有比較咋！因為個劇本講我做臥底去選美，咁啲佳麗肯定好波濤洶湧，可能我係史上最密實嘅泳裝。」對於片中角色被指似楊千嬅飾演的「方麗娟」，阿Sa謂不介意，但不希望新片被炒作：「導演都話唔係《新紮師妹》！」
