劉欣宜（E Cup Baby）的身材一向比胡心諾（Rainbow）優勝，但昨天Rainbow奇峰突出力壓對手。昨日兩人出席PS3《塊魂》活動，並穿上黏貼衣在波波池內打滾，鬥快把最多的波波黏上身，最後量度黏了不少波波的上圍，劉欣宜以46吋一吋之差落敗。
失蹤多天的酒井法子昨晚自首，向來喜歡法子的劉欣宜昨日說：「如果佢真係吸毒，對佢好失望，因為公眾人物要顧及自己形象。（有冇人引誘過你？）如果身邊有朋友吸毒會即時疏遠佢。」Rainbow則認為法子很慘：「其實都好體諒佢，相信佢受好多輿論壓力，先至會逃避。（如果佢真係吸毒？）唔可以原諒，佢仲要係有個仔，應該要做個好榜樣。」
問到劉欣宜會否鼓勵會考成績欠佳的女生轉做o靚模？她說：「要睇自己條件，唔係為紅而做。（你為咩而做？）為enjoy。」