周麗淇（Niki）早前到日本東北為無綫拍攝《尋找幸福之旅》的特輯，還以為情傷過後的她會物色新對象，最後卻空手而回，Niki說：「單身都可以幸福，我依家好幸福吖！」
Niki早前赴日拍攝一連七集的《櫻‧紅醉了》旅遊特輯，走訪了東北部的宮城、秋田、福島、青森等不同地方，令她非常開心，Niki表示：「好開心可以參與呢次特輯，可以離開香港，一個人靜靜哋抖吓氣，同埋日本東北呢個地方有好多唔同嘅特色，簡直係大開眼界。」
最怕醜態曝光
提到東北之旅的難忘事，Niki說：「其實今次旅程獻出好多第一次！第一次喺螢幕前面浸溫泉、第一次飲醉酒、第一次睇櫻花雪，真係好難忘，（借酒澆愁？）黐線，梗係唔係啦！大家玩得咁開心就梗係盡情啲飲啦，不過好彩大家冇影到我啲醜態啫！」
單身一樣幸福
雖然此行未有艷遇，但Niki特別錄製新歌《身在福中》，邀請到伍仲衡和林若寧製作，她說：「其實幸福一直都喺我哋身邊，睇吓大家會唔會用心去感受，單身都可以幸福，我依家好幸福吖！」
文：音樂組