陳若嵐（Melody）繼動漫節首日被非禮後，心情一度鬱結，日前更被本報拍到以淚洗臉的情景。委屈過後，昨日她與尹蓁晞（Yumi）、戴夢夢、趙碩之等出席動漫女神活動，到達會場後她表示心情已平復，亦很感謝朋友安慰。雖然昨日未見有加強保安，但她身邊的公司職員則對她形影不離。

Yumi：佢咁講唔啱

另外，何超儀早前在Blog上以粗言怒罵o靚模，直指她們是「o靚模……低俗的chicken……沒有衣服穿的模特兒……不尊重！不尊重！不尊重！」文字坦白程度令人嘩然。昨日，問到Melody她們對超儀爆粗抨擊o靚模一事，四人中Yumi先開腔力指超儀唔啱，她說：「我覺得佢咁講唔啱！o靚模唔一定做唔好嘅嘢！只係一部分人，唔係全部人都係咁！」

「唔係做犯法嘅事」

之後，Melody亦激動地說：「人人都有父母生，我哋都需要人去尊重，冇一個人有資格去批評其他人！每人都有自己嘅優點同缺點！我哋係做自己嘢，唔係做犯法嘅事！我哋今日出嚟都唔係性感！」 文：名人組