陳柏霖和Mandy Lieu前晚拍拖到上海，以情侶姿態出席I.T自家品牌IZZUE於上海新天地旗艦店舉行的09秋冬時裝騷，同場還有麥浚龍（Juno）。柏霖和Mandy如連體嬰般拖手進場，直至簽名時才分開拍照。

右腳碎骨

雖然Mandy穿上黑色絲襪，但仍清楚可見她雙腳打了石膏，走起路來一拐一拐。柏霖對行動不便的女友表現得呵護備至，一直拖實女友，帶她到嘉賓席坐下，看騷時二人又不時咬耳仔，sweet到漏。

問到Mandy的傷勢，她說：「四日前喺青島跌親。（喺邊度跌到咁傷？）酒店房，我都唔知點解，自己行行下就仆親，成個人跪低咗，跟住就去睇醫生。（醫生話幾時先會好番？）佢話左腳無咁嚴重，一個星期後可以拆石膏，但右腳就嚴重啲，有啲骨碎咗，係舊患所以今次咁傷。」

非常心痛

柏霖表示這是女友腳傷得最重的一次，感到非常心痛。問他可有因此當女友是女王般服侍？身旁的Mandy即大讚男友一向體貼，更冧得一臉甜笑。

另外，Juno透露他和哥哥的時裝品牌旗下部分服飾，最近簽了給倫敦的Dover Street Market，他說：「我哋係第一個香港品牌同佢哋合作。」