汗腺發達
怕熱嘅人郁兩郁都會成頭大汗，搞到一身臭汗味都咪話唔難受，如果係女仔就更慘，睇怕都唔會有男人敢黐埋去。現於澳門×龍夜總會工作嘅小曼表示：「我天生就係咁怕熱，每逢夏天我就會好煩惱，因為就算我坐喺度唔郁都會出晒大汗，搞到全身黐立立又大陣臭汗味，真係好唔舒服，最麻煩係個妝都融晒，鬼咁難睇，畀男友見到嘅話，到時對我嘅分數肯定大打折扣。所以，喺呢個季節，我盡可能都唔出街，若然男友想見面嘅話，咪佢嚟我屋企囉！」
另一位索女玲瓏就話：「我同小曼一樣都係汗腺比較發達之人，平時出街就算着到幾少都好，始終都係咁大汗，就算天氣涼咗，我都一樣小背心同熱褲出街，好多人以為我着到咁性感係為咗吸引男人，其實我真係覺得熱先咁着咋！」咁又唔使講到咁委屈嘅，索女着得清涼啲，男士梗係唔會介意啦！
留家避暑
喺炎炎夏日，大家經常喺街上見到一啲衣着清涼嘅少女，最常見有小背心加熱褲，又或者露臍裝加短裙仔，同樣性感誘人，搞到好多男士都忍唔住望多兩眼。而兩位索女都認為夏天係展示實力嘅最佳季節，只係外面實在太曬太酷熱，企喺街唔夠十分鐘已經有頂唔順嘅感覺，寧願匿埋喺屋企歎冷氣。玲瓏表示：「其實我都想出街晒吓本錢，之不過睇見外面烈日當空，實在可以想像到出到街之後會係乜嘢情況。有啲姊妹話我因為懶得郁先唔願出街，計我話佢哋根本唔明白一個怕熱嘅人，喺接近四十度嘅高溫之下行街，會係一件幾咁難受嘅事，直頭熱到想暈低。」
喺屋企避暑唔係問題，但男友會唔會投訴冇得出街拍拖先？玲瓏笑住咁話：「我身邊啲男友都對我好好，唔會強迫我做唔鍾意嘅事㗎！更何況喺唔使返工嘅日子，我通常都會叫男友上嚟我屋企，得閒玩吓煮飯仔，得閒就上床開心吓，最重要係開行個冷氣，咁就點玩都唔覺熱喇！」難得同索女共處一室，男士點會介意呀！
節省能源
家吓日日三十幾度，索女自然需要長開冷氣，但咁做不但電費貴，而且非常浪費資源，似乎唔係咁好喎！小曼聽見就解釋：「我同玲瓏都係支持環保嘅人，梗係會考慮到呢個問題啦！所以我哋屋企嘅冷氣都係取得一級能源標籤嘅型號，而且我哋都唔會將冷氣開到盡咁誇張。除此之外，由於同男友做床上運動時，好易搞到全身㷫合合而出汗，所以我會喺睡房內加設一把座地風扇，一來涼快得多，二來唔需要開盡部冷氣咁嘥電，三來唔怕忽冷忽熱而冷親嘛！」估唔到索女識歎之餘，又懂得知慳識儉，認真抵讚！
小曼小檔案
年齡：20歲
三圍：34、23、35
玲瓏小檔案
年齡：20歲
三圍：34、23、34
興趣：歎冷氣
興趣：食雪條
撰文：娟娟
攝影：強