陳自瑤（YoYo）昨亮相動漫節活動，與男友王浩信表演舞蹈，期間二人默契十足，王浩信說漏了嘴表示二人在家亦有練舞，似暗示已發展至同居階段。YoYo聞言即急忙澄清：「邊係呀，都係嚟到先夾之嘛。」此時王浩信亦補鑊說：「我學緊跳舞，YoYo都係上嚟我屋企煮飯，間中大家跳吓啫。」他大讚女友手藝好。問到二人可介意合作搵銀？YoYo說：「都係要睇公司安排，不過我唔抗拒囉，有機會都可以一齊做嘢。」

有老公呵護備至，難怪陳琪幸福滿瀉笑容燦爛。

楊秀惠（左）扮山吹老師，被取笑似吹氣公仔。右為龔嘉欣。

陳琪大肚走後門

至於下月臨盆的陳琪獲老公胡諾言細心呵護，大會更安排二人「走後門」進場，避免混亂嚇親大肚婆，二人又表示打算為BB留臍帶血，且已獲得贊助。陳琪原本負責推廣卡通人物「花師奶」，不過卻沒有角色扮演，且自嘲謂：「我本身都已經係師奶啦。」

而同場的楊秀惠扮「山吹老師」，但打扮卻被記者取笑似足吹氣公仔Mary，她惟有自打圓場謂：「可能我比較大隻，如果嬌小啲，應該會似山吹老師㗎嘞。」兩位出爐港男許家傑及陳偉洪相繼亮相，但現場觀眾反應一般。

文：影視組