本文重點
戴夢夢與趙碩之昨日出席內衣品牌泳裝騷，以沙灘裝示人，因未夠性感，令「龍友」大減，她們又被安排只同女士或小朋友玩遊戲，問到是否避免非禮事件發生？碩之說：「要啲男仔攞住內衣褲玩遊戲可能會尷尬，而今次個活動一早都冇要求着泳裝。」
Melody心情未平復
對於師妹Melody出席動漫節時被摸臀報警求助，曾怨夢夢多口爆料，夢夢解釋：「我哋喺後台提議不如叫傳媒幫手搵真兇，佢都話好，其實佢比較低調，可能唔想搞大件事，（話你哋陰笑？）要喺傳媒面前再次安慰佢，覺得無奈，係苦笑。」至於被人質疑博宣傳，碩之強調事件是意外。
另外，據Melody經理人透露：「Melody正在家休息，心情尚未平復，佢仲係唔開心，始終唔係光彩嘅事，好多謝大家關心。」Melody將會於周一出席活動，再度露面。