婷婷早前化身時裝版「神奇女俠」，大騷修長美腿為Rick網站拍攝宣傳照。Rick指很久以前已認識婷婷，但合作屬第一次。為了保持神秘感，Rick於合作前不與婷婷溝通，憑感覺來為婷婷設計今次宣傳照形象。

有正義感

Rick表示：「婷婷畀人感覺都幾cool，好似有啲難相處，但其實佢好細路女，好鍾意笑同好真，鍾意同唔鍾意都會好直接咁反映出嚟，同張栢芝幾相似，正義感亦好強，好似神奇女俠咁，所以今次就以呢個形象做主題。」

雖然兩人首次合作，但Rick與婷婷默契十足，只花數小時便完成拍攝。Rick指婷婷雖非典型美女，亦沒有天生模特兒的身高與身形，但卻注定吃娛圈這行飯，大讚婷婷很有演戲潛質。Rick稱：「因為婷婷本身有名氣，學嘢又好快，再加上好容易可以投入到攝影師要求角色，所以佢係注定加入娛樂圈。佢手腳纖幼又活躍，仲可以嘗試向打女呢條路進發。」

文：影視組

服裝：LV