本文重點
麥浚龍（Juno）被指發情慾短訊給曾經合作過的女模Janine，因而被對方男友臭罵。前晚Juno出席節目錄影否認其事，表示報道失實，更直言對Janine「冇興趣」。而Janine亦強調沒有跟Juno拍拖，力撐對方是個好人。
Juno曾跟Janine合作拍MV，日前有報道指Juno曾向Janine發情慾短訊，更被女方的男友臭罵。昨晚Juno與薛凱琪和鄭融出席無綫《勁歌金曲》錄影，他否認其事，並指報道失實。Juno表示早上已獲悉有關報道，Janine亦有傳短訊給他，但他卻冇特別睇法，只為這宗失實報道一笑置之。
冇送名貴禮物
談及跟Janine的關係，Juno稱二人只是工作上的朋友，亦冇送過名貴禮物給對方。而二人私下雖有約會，對方亦有向他提及有男友，但Juno認為跟朋友私下約會亦屬正常。而為免對方男友再有誤會，Juno才會站出來交代事情。問他對Janine可有意思？Juno說：「冇興趣，冇諗咁多。」
對於報道指阿嬌曾偷看他的SMS，Juno說：「我同佢依家係朋友，報道都冇根據，寫乜都可以，（Janine男友將你同陳冠希比較？）我冇咩睇法，呢個係周刊立場。」
而明顯想息事寧人的Janine，透過模特兒公司CalCarrie's回應，表示不想事件愈鬧愈大，又坦言不想連累朋友。她就有關報道作出以下回應：「冇同Juno拍過拖，佢冇死纏唔放，冇傳過任何情慾短訊，我哋係普通朋友，佢為人好好，好關心朋友，唔係報道所指嘅人，（報道中阿威係咪你男友？）唔想回應私人事。」
文：影視組