黃伊汶（Emme）去年秘密玩增值，過去半年來轉戰財經學炒期指，近日她終於修讀完課程，並開始實戰搵真銀，她更有望取得鑽石鑑證文憑，變身多功能藝人！
Emme早前出席一個百人畢業午宴，慶祝修讀完期指課程，Emme表示：「做藝人又係公眾人物，好多人識得你，要轉行唔係咁容易，但有啲工作好似炒期指咁，只需要對住部電腦，暱喺屋企就做到，呢個對我係唔錯嘅選擇，所以，我上年就同朋友跟期指專家Rickey上堂，依家終於學以致用。」
兼顧歌唱事業
上年Emme才再戰樂壇，問她現今是否又準備棄歌從商？Emme即解釋：「當然唔係啦，我仲繼續演藝事業㗎，今次係同我助手用六位數字小試牛刀，依家每日帶電腦跟身，我哋兩個人四隻眼睇住，又做足功課，所以唔使擔心。（戰績如何？）幾個月已經賺到五位數，都算唔錯。」
Emme自言在金融海嘯中損手，希望炒期指能為她翻身，她謂：「搵到錢先可以追求到夢想！（乜嘢夢想？）唱歌係我最大興趣，亦係事業，當然想繼續唱歌出碟啦。」
醉心鑽石鑑證
問Emme為何甩拖多時仍未見有新戀情？她即言：「實現夢想緊要啲，做自己鍾意做嘅事，喺唔同階段去增值自己，好似唱歌跳舞啦，而且呢個年代做藝人唔可以限死一個範疇，要多方面發展。除咗炒期指，我已經報考咗GIV鑽石鑑證文憑，依家等緊結果。」
文：音樂組