昨日Kama身穿婚紗，與黃婉佩（Race）一起出席Nail Salon新店開幕，被問到會否出席動漫節活動？Kama直說不感興趣︰「我以前未去過，今年亦都唔會去！」而談及早前鄭融被非禮一事，她表示從未試過被非禮，但搭交通工具會加倍小心︰「多人時要雙手護胸，如果着短裙或短褲時，我會將手袋放喺後面，以免被人拍裙底！」至於問到會否像鄭融那麼勇敢去報警？她支吾以對，沒有正面回答︰「我會驚，一定叫囉！（啲女星着得性感令人有非禮念頭？）唔關性唔性感事，不過冇咁性感，當然少啲呢啲念頭！」她又笑謂會學防狼術保護自己。
另外，鄭融昨日現身將軍澳電視城為節目進行綵排，問她心情可有好轉？她笑言：「都未試過每日都咁多人問我心情，心情OK。」至於日後出席公開活動時看見fans會否有陰影？她說：「見到識嘅人都唔會避忌嘅。」