周秀娜（Chrissie）的寫真集以滴雪糕和牙膏甫士，成為全城熱話。日前有關方面透露將加推Q版雪糕和牙刷電話繩，實行食住個勢繼續吸金，雖然最終趕不及於明天動漫節推出，但Chrissie將推出多款火辣甫士的潮Tee，以及攬枕「陪瞓」，帶宅男入甜夢。

Chrissie任代言的網站推出之1:1人形攬枕，相信會大受宅男歡迎。

刷牙甫士潮Tee

首批內部售罄

Chrissie經理人透露：「我公司推出嘅兩款攬枕有五呎二吋高，係長方形，上面嘅性感相係Chrissie親自挑選，佢要求攬枕要好攬舒服，像真度要高。」至於Chrissie做代言人的網站「潮幫」亦推出絹質面及豆豆芯，1:1人形攬枕，上面印有穿比堅尼的Chrissie肖像，抱着「它」就如攬實真人一樣。而Chrissie經理人表示不擔心「自己打自己」：「公司特製嘅100個攬枕已內部售罄，依家加印希望可以攞去攤位賣。」

今日召開記招

至於早前疑受網友爭議壓力，避戰書展的「夏之盛放」五位o靚模鍾蕙芝（Lavina）、胡心諾（Rainbow）、劉欣宜（E Cup Baby）、周凱盈（Monique）和勞詠君（Tian），眼見Chrissie、Kama和Yumi等o靚模的寫真集搶灘成功，故「夏」所屬的SONY立即出招，搶先於今天召開記者會還擊，推出「電子寫真慈善版」，將88張未曝光床照以電子寫真形式附送，收復失地。今午記者會除了公布寫真集推出第二波之外，五位o靚模更率先以Cosplay造型亮相，實行搶動漫節頭啖湯。據知Lavina與E Cup Baby對動漫界人氣最旺、造型最性感的「不知火舞」虎視眈眈，爭相扮演。

另外，SONY「夏之盛放」發言人稱：「寫真集收益扣除租金，將撥捐女性團體作慈善用途，希望可以為佢哋洗底，其實佢哋都好關心社會。」早前鄭融被非禮後，SONY坦言將加強保安，並以「人盯人」戰術及派保安人員混入龍友群。E Cup Baby表示信得過大會安排，鄭融事件後大家已提高警覺，而她的衣着會交由大會安排。

文：專案組