由阿嬌、陳淑儀和邵美君擔演的爆笑舞台劇《星爸亞爸》將於下月公演，昨日三位演員排戲，同屬英皇的祖兒、關智斌（Kenny）和高層吳雨現身探班撐阿嬌，當阿嬌和陳淑儀排演一場父女嗌交戲時，兩人演出投入，大發脾氣的阿嬌向陳淑儀狂擲橙，又與邵美君爭一把生果刀，七情上面，只是有時忘記對白，要人提場。

阿嬌與邵美君爭刀時七情上面。

阿嬌前日離開髮型屋時為fans簽名。

忙着記對白

首次做舞台劇的阿嬌自言十分緊張：「排咗四日，笑到喉嚨好痛，大家鬥『放蟹』（谷住唔笑），我記性唔好，仲慢慢記緊對白，有場戲要我講鄉下話，要向外公請教，佢幫咗我好大忙。（係咪好期待？）係，但好似好少時間排，仲有其他工作。」英皇謂其實已經推了好多賺錢騷，損失七位數字，阿嬌說：「我寧願做好啲，場場甩點算，損失簡直唔敢諗。」

籲友人買票

祖兒則送上檸檬王幫阿嬌潤喉，並大讚阿嬌演技進步：「佢做得好放，角色非常任性、傻更更又滿腔熱誠，幾似佢。（買飛捧場？）我一定唔使錢，但會叫朋友買。」此外，阿嬌前日穿魚網絲襪到髮型屋整頭，離開時應fans要求簽名。

採訪：音樂組