謝霆鋒與張栢芝兩公婆近日不在香港，故將囝囝Lucas交給嫲嫲拉姑照顧。前日約傍晚７時，拉姑就帶同孫仔Lucas前往中環行街，記者在置地廣場附近見其工人抱着穿上短袖Ｔ恤、短褲及涼鞋的Lucas，而拉姑沿途則不斷逗玩孫仔，當拉姑發現記者拍照時，即叫孫仔向鏡頭揮手，而醒目的Lucas亦即時眼仔碌碌望實鏡頭揮手。
當Lucas在街上看有雙層巴士經過時，好像發現「新大陸」一樣即時手指指，相當可愛。之後三人步行到附近一間大型唱片店，拉姑帶Lucas往卡通片影碟區，未幾即選購了一隻價值$135元的卡通影碟。其後拉姑再帶頭髮長長的Lucas往置地廣場一間髮型屋剪頭髮。
