蕭希榆昨日為寫真造勢，一身deep V長裙到書展的攤位宣傳並為粉絲簽名，又與他們合照和握手，表現親民。不過她卻違反了大會不准在書展攤位內簽名的規則，對此她反問說：「吓，係咩？其實上次已經喺簽名區舉行咗簽名會，超時四十五分鐘都未簽晒。好難得可以同fans見面，有好多內地同台灣嘅fans特登派代表嚟買我本寫真，覺得好開心。」
蕭希榆又表示不清楚寫真的銷售量，只知道第一版印了六千本。問到可有看過其他o靚模的寫真，她說：「有喺報紙度睇過。（會唔會好似佢哋咁派雪糕派奶？）都係一個消暑方法，不過我驚喺大熱天時啲食物會變壞，我會派我做代言人嗰隻面膜，希望啲fans愈來愈靚。」
