方中信前晚偕同古天樂、劉青雲、吳彥祖（Daniel）及陳偉霆（William）等，坐遊艇到場出席《竊聽風雲》宣傳活動，碼頭內碰上其他遊艇上的三點式洋妞，狂呼方中信英文名「Alex」。雖然「艷福無邊」，方中信接受訪問期間卻正氣凜然表示：「我唔食雪糕又唔飲奶，有咩好問？打開報紙日日都係o靚模好悶囉，連基本technique（技能）都冇，就可以上港聞頭條，咁樣唔係幾健康！」

方中信愈說愈激烈，更表示倘若他朝囡囡步o靚模後塵的話，他必堅決反對！至於o靚模於書展期間，以食雪糕及派奶作宣傳，他打趣說：「又唔係sell緊烹飪書，點解要食嘢？喺美食節就唔同，幫手sell吓啲『一蚊雞』、『一蚊魚』啦。」

五型男坐遊艇宣傳，引來不少女孩子的叫喊聲。

周秀娜派雪糕，被指意識不良。（資料圖片）

William護女講大話

當Daniel偕同William接受訪問時，有記者問到Daniel可擔心女友Lisa S.被o靚模搶去工作，他即謂：「兩類模特兒嚟嘅，o靚模未必夠高行catwalk。」有人抵死問他Angelababy可夠高，在旁的William面色一沉即搶答：「佢高過你（指Daniel）﹗」而Daniel見狀，即大方打圓場謂：「咁夠高嘞！」不過記者事後翻查資料所得，身高186厘米的Daniel比報稱有168厘米的Angelababy差不多高出一個頭，William為「護女」被迫講「世紀謊言」，可謂用心良苦！至於o靚模忽然食雪糕及派奶，Daniel即發揮幽默本色謂說：「可能佢哋年紀細肚餓呢。」

古仔破格贏盡口碑

另外，古仔在《竊》片中操流利普通話，加上蓬頭垢面、「斷手斷腳」破格演出，結果備受好評，有指內地首日票房已破千萬，問到古仔可有信心憑此片榮登影帝寶座，他謙虛表示：「好成績係台前幕後嘅功勞，拍到好戲已經好開心嘞。」

劉青雲坦言近年接戲比前嚴謹得多，事關他想留多些時間去「看世界」及陪伴家人，問到他是否半退休狀態，青雲卻抵死表示：「咁又唔得喎，我仲要搵食㗎。」

文：影視組