本文重點
一眾「賣肉」靚模將大舉入侵即將舉行的書展，令到原有的書展文化變質。在今個書展推出新書的狄娜，以第一代肉彈身份去勸喻靚模，不要像她當年一樣，被指為「波大冇腦」，賣肉求名可說是一個女人的污點，而同樣出書的鄧麗欣、傅穎等，只撐形象健康的寫真集，明顯反賣肉靚模踩場。
由「肉彈」變型為成功女性的狄娜，大病初愈後便全力催谷她的新書《戰道－北京大商場》，但卻沒有相關的簽書會在書展中舉行。狄娜有見賣肉靚模之歪風令書展變質，她對出席這種書展嗤之以鼻，並以過來人身份，勸喻這班靚模勿走上不歸路。狄娜說：「我希望班細路女，唔好用社會環境為理由急功近利，做事唔經大腦，我以前都畀人鬧『波大冇腦』，感覺一啲都唔好受，唔好以為賣肉可求名利，我覺得根本賺唔到利，更留下一生磨滅唔到嘅污名，我依家做事面對商場上嘅人，都要不停去掩飾曾經覺得羞恥嘅賣肉演出。」
Race：好壞難界定
今屆書展亦一如以往，有不少藝人推出新書，當中包括散文、小說和旅遊書等，與靚模的寫真集類型風格迥異。黃婉佩（Race）表示書本好難界定好與壞，以及藝術與否，不同書種都有不同fans，如果書展未去到被寫真集獨佔，而令其他書籍沒有放置空間，是不需要將她們分開的，Race說：「我覺得只係好多年輕嘅女仔用咗靚模特兒呢個名做踏腳石入娛樂圈，其實每個新人入行嘅經驗都係唔夠多，只要日後有機會發揮佢哋嘅潛質就最好。」
江若琳覺得書展可以容納不同類型書籍會更為豐富，只要簽名會安排得妥當便可避免混亂，她說：「唔同類型嘅藝人會吸納番唔同階層嘅fans，健康性感係可以接受。」
滿足不同讀者需要
鄧麗欣認為分區與否應由主辦單位決定，她說：「佢哋最清楚場地環境，不同類型嘅書可以聽到不同讀者聲音，亦可滿足唔同讀者。而我靚模時只為新書安排一場簽名會，安排上冇變。」傅穎指將散文同寫真集分區不是壞事，令讀者更清晰找到心頭好，她說：「唔同嘅書都有其市場價值，對反靚模我唔會有任何意見，健康嘅寫真我較為欣賞。公司安排我出席兩日書展活動，安排冇變。」
文：影視組