只許揩油

呢種只准客人揩油，而唔可以將佢哋帶出街曳曳嘅酒廊，日本人稱佢哋做「性感酒廊」（Sexy Bar）。呢種介乎於普通酒吧同風俗店之間嘅夜場，雖然有年輕貌美，而衣着性感嘅陪酒小姐陪酒，但客人最多只能夠用手喺佢哋身上漫遊，或同佢哋嚟個激情舌戰，講到進一步嘅接觸，卻係受到禁止。就算你想帶陪酒小姐出街玩，佢哋都會耍手兼擰頭。

有曾經去過呢啲「性感酒廊」嘅玩家曾先生就話：「對日本嘅玩家嚟講，都視呢種走中間路線嘅酒廊為成人夜生活嘅入門勝地。原因係酒廊內嘅小姐，唔介意你對佢毛手毛腳，甚至接吻都冇問題，但講到上床，就一定冇得傾。」

對一眾飲大咗就想同小姐曳曳嘅男士嚟講，齋睇冇得玩着實相當冇癮，不過對日本男士嚟講，卻係另一回事，佢哋覺得咁樣玩法已經滿足。故此，「性感酒廊」呢種專供男士飲花酒嘅地方，開到成行成市！

衣着取勝

相信好多人都覺得奇怪，呢種可睇唔可食嘅玩法，理論上應該吸引唔到玩家，就算陪酒小姐任大家抽水，始終唔及可以真箇銷魂嘅風俗娘過癮，點解佢哋仍然不乏捧場客呢？曾先生解釋：「佢哋一直以嚟都深受玩家歡迎，當然有佢嘅長處，而佢哋最大嘅賣點，就係陪酒小姐嘅質素，比風俗娘、炮姬等都高。」由於喺「性感酒廊」中，陪酒小姐唔需要出賣肉體，而收入亦唔低，故此吸引唔少想搵快錢嘅少女，佢哋嘅質素便比風俗娘嚟得高。

此外，為咗滿足唔同客人嘅口味，不少「性感酒廊」提供自助選衣服務。所謂自助選衣，即係可讓客人揀選心水制服，讓陪酒小姐穿上，例如啤酒推銷員制服、OL套裝、水手服、女僕服等，客人見到如此吸引嘅服裝，自然玩得更為投入。

另外，由於陪酒小姐一般都經過儀態訓練，而且懂得應酬之道，加上佢哋細心及殷勤嘅服務態度，因此吸引一啲想傾公事或客戶應酬嘅男士，上去摸吓杯底，甚至搵陪酒小姐傾心事，是以一直以嚟都吸引不少捧場客。

手足之慾

雖然「性感酒廊」只可讓玩家對陪酒小姐毛手毛腳，一洩手足之慾，但唔好以為收費便宜，事關以最低嘅40分鐘服務時間嚟計，就要6,000日圓，折合約為500港元。不過曾先生卻表示：「縱然只係可以睇唔可以玩，但好多同事都鍾意去呢啲酒廊。原因係陪酒小姐嘅質素相當高，平日難得同靚女食飯嘅佢哋，可以肆無忌憚咁抽水之餘，仲可以同陪酒小姐傾吓偈，感覺相當好。最重要係，如果冧得陪酒小姐開心，大家更可相約出嚟打友誼波添！當然，呢啲只屬後話啦！」

正如曾先生所講一樣，陪酒小姐雖然禁止同客人有任何進一步嘅接觸，但私底下卻唔受公司規管。換言之，如果客人只要喺陪酒小姐身上花多啲錢同時間嘅話，便有機會一親香澤。如果大家心水清嘅話，不難發現不論你溝唔溝到，最終嘅得益者，始終係陪酒小姐同酒廊。究竟咁樣玩得划唔划算，相信大家心裏有數。

撰文：阿豪