拒穿透視裝

阿哲下月29日將於紅館舉行一場《張信哲最好的時光演唱會》，他昨日在記者會上獲歌迷送上多年來的演唱會相集，令他非常感動，不過歌迷要求他以透視裝演出時，阿哲即時耍手擰頭說：「唔會，我怕大家會被大肚子嚇怕，我最好身材嘅時光已經過去，剩番一舊腹肌，都趕唔切操。」阿哲透露會跟女dancers有辣身舞，更笑言願扮鋼管讓歌迷為所欲為。

寧取消演出

對於同樣來自台灣的棒棒堂早前被指在個唱上「咪嘴」演出，阿哲語帶雙關說：「咪嘴都要技術，台灣好多電視節目都怕出錯，一定要你咪嘴唱，其實咪嘴仲難過真唱，（佢哋連嘴都冇郁？）所以呢啲咪係好失敗囉！」

阿哲笑稱曾經在歌唱比賽節目上被著名音樂人誤以為咪嘴，他仲笑住反駁說：「我唱live呀，你咁專業做評判都聽唔出？」他表示如果情況不理想，寧願取消演出，都不應該咪嘴呃觀眾。

採訪：音樂組