江若琳於新書《小公主浪跡天涯》中提及曾跟一位圈中男藝人發展感情，對方更出動短訊、手製禮物攻芳心，但最終因各有各忙而未能發展成情人，江若琳更將該男藝人化名為「幸運王子」，而早前有指「幸運王子」頭號嫌疑人便是周柏豪，周柏豪則予以否認，又自踩形象欠佳，非江若琳杯茶！

有提示畀大家

話雖如此，早前周柏豪於歌曲《Lovin' you》中，歌詞竟巧合地提到「幸運，飾演我」、「石頭化風沙，我都會等，令你心有日軟化」等歌詞，令人聯想到周柏豪憑歌寄意，暗指自己是「幸運王子」，以及希望江若琳再考慮他。記者就此事致電周柏豪，對方透過經理人表示：「呢首歌確實係寫畀一個女仔，但唔係江若琳，係另外一個圈中人，因為我唔知道對方有冇男朋友，所以唔敢表白，（究竟係邊個呢？）我講出嚟咪即刻表白咗，總之佢同我係合作過嘅，可以係模特兒或者同公司藝人啦。」照周柏豪所講，跟他同經理人、唱片公司的鄭融、薛凱琪都有嫌疑。

文：影視組