劉美君昨午與側田、曹格，以及內地著名作曲家王曉鋒等，參與《超級巨聲》錄影。期間當王曉鋒向參賽者發言時，側田情急下「搶嘢講」，劉美君見狀發忟教訓對方，指側田「疊咗聲」，火藥味極濃，令側田一臉尷尬惟有連聲向王曉鋒say sorry。側田事後接受訪問時，則稱自己一點也不介意：「成日都係咁，呢度我最細嘛！」

側田	參賽者陳康健（右）與曹格作「PK賽」。

借曹格宣傳

另外，錄影期間安排參賽者陳康健與曹格作「PK賽」。劉美君打趣指陳康健為「港版曹格」，並大聲向對方「訓話」說：「有啲格唔應該學……」搞到在旁的曹格一臉尷尬，而「PK賽」後，一眾評判刻意讓陳康健高分過曹格，大收宣傳之效。

赴內地參賽

由於淘汰賽已進入白熱化階段，留下來的大多是靚聲王，側田大讚質素相當不錯，而入圍者更有機會到內地參加「中國音樂金鐘獎流行音樂大賽」。昨日一眾參賽者中，92號林師傑一曲《頭髮亂了》又唱又跳，以及70號駱胤鳴的「雞仔聲」深得評判歡心順利入圍，不過呂方則狠指另一參賽者周志康的表現謂﹕「真係唔想聽到你唱假音。」搞到對方無地自容。

文：影視組