今年歌影視三忙的陳偉霆，日前化身「跳舞特工」為加州紅卡拉OK拍攝廣告，並模仿湯告魯斯在《未來報告》中，隨手拉出電腦視窗的動作，頗考功夫。William說：「好似對空氣做戲咁，仲要冇音樂襯底，全憑自己幻想，係有啲難，不過幾好玩。」

陳偉霆今年工作密密做，豬籠入水。

William化身「跳舞特工」，拍攝卡拉OK廣告。

努力儲錢

問到廣告酬勞是否滿意？William說：「幾理想，今年都拍咗幾個廣告，開頭都擔心金融海嘯受影響。（豬籠入水？）今年投資試過失利，所以賺多啲錢然後儲起佢。」問到是否公司對他寵愛有加，William謙稱：「好多謝公司支持，總之每位藝人畀心機做嘢，就可以得寵。」

過分性感

另外，William的全新專輯《Warrior 戰士》於明天面世，今張大碟以進化論為題，而為配合主題，設計師以綠色為主色，代表大自然力量，以雪地及荊棘代表重重險阻。早前William以半裸造型拍攝靚仔相，下身則穿貼身閃片Leggings，盡騷弗爆的六舊腹肌，不過原來該造型太過性感，曾遭唱片公司禁止，他經過多番商討，才獲公司解禁，條件就是William要多穿兩條打底褲，以免尷尬部位過分「立體」。問William會否覺得太性感？他說：「開始時有啲猶豫，但聽完美指講解後，就信心十足！」

文：專案組