有消息指林文龍自被爆與內地女星董維嘉有婚外情後，與太太郭可盈的關係更差，文龍欲搞離婚，但因欠下可盈過百萬元而未能換取自由。文龍昨在電話中否認要跟可盈離婚：「話我哋離婚又話分房瞓，我屋企個工人都未必知道，點解記者會知呢？話我欠可盈過百萬，我點會連百幾萬都冇？如果我有超過一百萬，多咗出嚟嘅數目唔該寫嗰個記者生吞咗佢！」
文龍又透露昨日才跟可盈爸爸食午飯，間接否認了郭爸爸臥病在床。
此外，早前有傳自稱是郭可盈內地經理人的汪子琦被公安拘留，最新消息指汪子琦已獲釋，林文龍對於汪子琦的一切不予回應，而簽了汪子琦旗下的嚴淑明表示，自己與一班汪子琦旗下藝人都很支持汪子琦，而對方亦已回復自由身，正準備開記招，就跟林文龍夫婦之是非作出澄清。