傅穎（Theresa）自爆曾遇上圈中愛情騙子，鄭中基（Ronald）頓成頭號嫌疑人物。昨日，金牌大風CEO陳輝虹力撐Ronald清白，質疑Theresa口中的愛情騙子是否存在：「可能係幽靈！」
有傳「太子基」Ronald要踢走Theresa，而她在將推出的繪本散文集《我會快樂的》中，自爆曾遇上圈中愛情騙子，更謂識佢前後兩個人，Ronald頓成頭號嫌疑，然而，金牌CEO陳輝虹昨日接受本報電話訪問，力證Ronald清白：「梗係唔係佢，實在唔係圈中人，言語上誤會。」
開名就冇意思
記者指Theresa親口說愛情騙子是圈中人，陳輝虹笑說：「我覺得有冇呢個人都成疑問，可能係幽靈！（Theresa講大話？）唔係話佢講大話，可能書裏面有線索，我問過佢，佢誓神劈願話唔係公司同事。（有冇話你知係邊個？）冇，費事追問，呢啲係佢私隱。」
由於Ronald成嫌疑人物及有質疑愛情騙子是宣傳招數，Theresa昨日在網誌上強調：「沒發生過的事，我不曾虛構……那個男生的事，已成為回憶、記錄，公開名字，實在沒意思，沒意義……我不須要告訴大家，故事的真實人物，我好像沒說過他有跟我合作過，只是沒正面回應……都說不是公司同事嘛。」
側田寸有景轟
至於另一嫌疑人物方力申則說：「唔係嘛，又關我事，之前唔係話我追佢唔到，因愛成恨咩。（係咪Ronald？）佢更加冇可能。」而側田更暗寸Theresa：「可能佢講笑，唔知點解公司咁多負面新聞，得我公司係咁，其他公司冇，可能有景轟，讀者用腦諗真定假。」
採訪：音樂組