楊采妮昨出席RADO手錶慈善展覽，替學生設計的手錶任評判，剪了一頭短髮的采妮，被問到好友梁詠琪（GiGi）將結婚一事，即愕然說不知情，又反問記者GiGi有否答應男友的求婚：「佢點答你？（GiGi冇話我哋知。）如果係真佢一定同我講，佢冇話我知就唔係真啦。（係嘅你會做姊妹？）要我做乜都得，就算做阿四都冇問題，因為好戥佢開心。（你知佢哋地下情？）我知佢哋係好朋友。」
采妮透露將到蒙古跟劉曉慶拍新片《37》，並會飾演一個堅強的都市女性：「因為襯番個角色性格，所以剪短頭髮。（唔捨得？）冇，反而覺得好過癮，之前想剪好多次，但都因有廣告或電影角色需要剪唔到。」采妮剪了近三十吋頭髮，她已將剪掉的馬尾留起，考慮用來製作假髮給自己。