日前被本報踢爆已輟學的Rainbow，自稱為要與好友Monique共同進「退」，所以主動向學校提出退學，但昨日事情有新發展，據兩人就讀的玫瑰崗學校書面回覆，指二人並非中學部學生，是屬於商學部，學校又指Rainbow於今年五月廿一日因觸犯校規被開除，Monique則於今年五月廿七日在被罰停課後拒回校上課，由父親代提出退學申請。

Rainbow原來比Monique更早退學，所以她先前說的退學原因根本不成立。

經理人拒答

同時，Rainbow被指是因觸犯校規遭開除，並不是她說的自動退學，可見她大話連篇，而她在五月廿一日被開除，照理亦應未完成中四課程考試。

記者就上述事件致電Rainbow經理人Admond求證，Admond說事件牽涉Rainbow私事，所以不回應。其後Rainbow親自回覆：「其實我之前聽過Monique話想退學，之後我就收到封學校信，不過因為我冇即時拆，過咗幾日先睇，封信內容指學校唔適合我，希望我轉校，同埋係英文寫，我只睇到一半，跟住媽咪幫我打去學校話退學，我唔知佢話我唔適合即係開除。（學校話你犯校規。）可能係我請太多假，始終學業同工作時間配合唔到。」

沒參加考試

再問Rainbow她應未完成中四課程一事，她解釋說：「其實啲書都教晒，差唔多完啦，（你有冇考試？）無呀……（屋企人咩反應？）屋企人認為我返夜校合適啲，不過我都有進修演技同唱歌。」記者再致電Monique，她的電話駁到留言信箱。

專案組