Kelly跟Alex於上年結束十多年愛情長跑，二人拉埋天窗後不久即一索得男。Kelly日前剖腹誕下六磅重寶貝仔劉昇（Chace），留院七日後在Alex、經理人鍾珍及兩名助手陪同下離開醫院，並特別聘請六位保安開路。

有半百記者爭相採訪Kelly，她做出口殊手勢，示意記者不要吵醒BB。	放大圖片	Alex小心翼翼帶囝囝上保母車。
Kelly的經理人鍾珍及助手Leo將Kelly的行李及禮物拎上車。

極速回復索爆

昨午三時Alex手挽以白色紗網包到冚的BB籃先行步出醫院，以全黑色打扮上陣的Kelly則戴上墨鏡，手持YSL手袋緊隨老公。兩人大方在門口影全家福，但當記者要求Alex親吻老婆時Kelly即耍手擰頭。Kelly與未產子時一樣索爆，身形完全沒有走樣，不過貪靚的Kelly卻反傳統以短裙上陣，未有為保護傷口而包到冚。

問到會否追多個時，Kelly說：「未諗。」但Alex卻說：「盡量啦。」由於有半百傳媒到場採訪，愛子心切的Kelly及Alex分別做出口殊手勢，示意記者不要嘈醒BB。其後Alex與BB先行登上保母車，留下應付記者的Kelly連聲說「唔好整到我傷口」，最後拋下一句「等我休息完同大家見面」，便登上座駕直駛加多利山寓所。

登上保母車後的Kelly不忘向記者笑住揮手。

Kelly獲六名保安開路，認真巴閉。

出碟拒做少奶

Kelly的助手Leo透露Kelly產後第一個工作是錄國語碟，問Kelly有否看過老公為她拍下剖腹時的片段？Leo說：「有。（Kelly係咪覺得血淋淋？）係啦、係啦。（Alex有冇叫Kelly唔好做嘢做少奶奶？）佢鼓勵Kelly做嘢，覺得冇所謂，不過就以BB為主。」並代Kelly向所有祝福她的朋友說多謝。

採訪：音樂組