昨日Juno出席某時裝品牌活動，被問到Edison返港有何看法時，身為鍾欣桐緋聞男友的他冷淡地說：「我冇留意。（陸永做騷講慾照。）冇睇新聞，騷都冇睇。（搵慾照講笑啱唔啱？）每人笑嘅定義唔同，同埋已經係一件舊事，唔明白有乜咁好笑！」

陳冠希與前緋聞女友周麗淇（箭嘴示）不避嫌坐在附近。

Juno不屑有人「慾照當有趣」。

Edison掩嘴苦笑

另外，陸永的棟篤騷前晚在笑聲中閉幕，Edison睇足三晚撐場，曾與Edison傳緋聞的周麗淇亦有現身，兩人不避嫌前後排坐。陸永在尾場演繹加長版棟篤撐Edison：「佢唔止唔識電腦，影相仲out focus！大家有冇試過一路打籃球一路影相？不過嗰啲運動辛苦過打籃球，打籃球可以三個鐘，有冇人做呢啲運動可以三個鐘？」惹來全場大笑，而Edison則掩嘴苦笑。

當陸永落台時，觀眾爭相合照，他又借題發揮表示：「影咁多相做乜啫？我又唔係Edison。」他更說：「六吋周柏豪不敵七吋陸永，三吋陳冠希藐爆。」

陸永否認擦鞋

完騷後，陸永接受訪問，對於被指明踩暗撐Edison，他說：「我係明撐暗撐。（擦老細鞋？）只係講自己感受。」陸永又表示希望老闆送現金獎勵，記者即指Edison回港撲水應冇錢，他謂：「我要求三位數字應該攞到！」之後Edison和農夫去灣仔消夜。另外，昨晚Edison飛赴台灣，據知是傾談電影事宜。

文：音樂組