14/07/2009

播放本新聞相關短片

偉仔一揪四手骨折送院

梁朝偉「以一敵四」搞到左手骨折,預計五、六星期才能康復的他未有即時向愛妻「投案」,且擔心影響電影開拍進度,目前正費煞思量,希望「另覓良方」繼續練功。

連月不停跟師傅習武的偉仔,眼見新片《一代宗師》開拍在即,昨竟要求「以一敵四」與四位師傅同場較量,由於偉仔來勢洶洶,其中一位師傅亦出盡全力「應戰」,一起腳即踢中偉仔左手,偉仔當時感到劇痛,隨即往醫院求醫。經醫生驗證後,證實他左手骨折,需要打石膏定位幫助康復,然而偉仔有感打石膏會令他經多月苦練得來的肌肉「化為烏有」,嚴重影響《一》片的開拍,故婉拒醫生的提議,可謂「搵命博」!

擔心影響進度

事後偉仔表示:「拍得打戲,受傷都預咗㗎嘞,今次係好好嘅經驗,點都好過去到片場先發生啦,我唯一擔心嘅係影響(練功)進度,醫生建議我連跑步都唔可以,怕我郁親隻手,所以我諗緊方法,睇吓可唔可以淨係練住腿功先。(有冇打畀嘉玲呀?)我啱啱先睇完醫生,暫時未通知佢呀!」

原定八月開拍

據悉,近日不斷有狗仔隊追訪偉仔練功過程,昨午更全程緊貼偉仔到醫院,故斷症後偉仔隨即登車返家休息。問到受傷可影響日常生活,偉仔即笑謂:「唔怕,我仲有隻右手嘛,凡事小心啲囉!」

《一》片原先計劃八月尾九月頭正式開機,如今男主角忽然受傷,相信對籌拍工作造成一定影響,故一切要視乎偉仔的康復進度,才能落實相關細節。

文:影視組