一身型女打扮的容祖兒昨日配以一對五吋高的靴子示人，與倉木麻衣、古巨基、楊千嬅、衞蘭、謝安琪、張敬軒、方力申及吳雨霏等歌手，現身電台出席「太陽計劃2009我愛廣東歌」記者會。活動甫開始，大會即邀請祖兒和倉木麻衣上台作港、日音樂交流。

倉木麻衣以可摺合的鋼琴作回敬。	楊千嬅（左起）、譚詠麟、祖兒及古巨基等歌手，齊現身電台活動之記者會。	祖兒前晚與師弟妹出席另一活動，並戴上手套緬懷MJ。

互送禮物留念

祖兒和倉木麻衣雖然首次見面，但二人惺惺相惜，不斷靠翻譯閒聊。祖兒被問到首次跟倉木麻衣見面的感覺，她表示：「佢真人好靚、好甜，覺得佢台上嘅表現好有爆炸力，我有睇佢啲MV，佢真人好嬌滴滴！」至於倉木麻衣則以日文表示有欣賞過祖兒的演唱會DVD，更盛讚祖兒的舞藝超班。

及後二人各自送禮物給對方留念，祖兒將多年前由自己親自設計的公仔Chofy及Miffy送給倉木麻衣，而倉木麻衣則獻上一座可摺合的鋼琴給祖兒，祖兒收到後興奮表示：「太好喇，我平時只係用手提電話彈琴，但只係彈到單音，有咗呢部鋼琴就好好多！」

戴手套緬懷MJ

另外，祖兒前晚與師弟妹泳兒、鍾舒漫和鄭家維等為《新城Pop Queens音樂會》綵排，眾人戴上印有「Pop」字樣的手套放在心口上緬懷Michael Jackson，問祖兒在音樂會上會否跳MJ舞步？她說：「要問大會，如果佢哋有呢個策略都可以傾吓，不過我之前扭傷腳腕，醫生叫我呢兩個月唔好跳舞，但我今日貪靚着咗高跟鞋！」 文：音樂組