剛從英國返港放暑假的超蓮，日前在街頭獲時裝品牌Salad的英國攝影師Graham Uden看中，邀請她參加昨天舉行、選拔09秋冬廣告主角的「Who's the Next Salad Image Star?」亞太區廣告新星選拔賽。不過，超蓮最後缺席，連評判之一的麥浚龍也說想見超蓮一面，大會表示已透過電郵邀請超蓮出席，惜一直無回覆。

陳婉珍	「翻版阿Sa」Monique大騷長腿，惜未能取得優勢，於首圈出局。	活動期間，樂基兒（左二）的頭髮被貼紙黏着，她面露尷尬。

混血兒勝出

記者致電三太陳婉珍的秘書查詢超蓮缺席試鏡一事，她說：「超蓮從來無上心，佢話無應承過對方，佢話：『我畀佢個電郵地址係假，從來都無諗住做，因為成日都有人問我攞電郵地址，我當然唔會畀真嘅電郵地址人啦。』」而超蓮仍在港兼會做暑期工。

兩位優勝者Wing Shan Smith（左）及李家龍的年紀都不超過二十歲。	樂基兒幫眾參賽者襯衫。	「港大樂基兒」Winnie與Isabel都未能突圍而出。

超蓮缺席試鏡，選拔賽成為（口靚）模爭出位的舞台，八模兵團成員「翻版Angelababy」Annie G.、Hailey C.及「翻版邱淑貞」Isabel L.都有參選，但只有Isabel跟熊黛林師妹包括「港大樂基兒」曾咏（Winnie）及Sarah Chan入圍第二輪比賽，另一（口靚）模「翻版阿Sa」Monique亦於首圈被out。最後的男、女優勝者分別為十九歲的李家龍，以及與八模兵團同公司、年僅十五歲的中英混血兒Wing Shan Smith。

樂基兒嫌細

對於(o靚)模當道，身為評判的樂基兒（Gaile）說：「每個人都有佢嘅好處，唔可以十個都一樣，應有自己性格。以前入行嘅都係十七、八歲，依家就愈來愈細個，好似變咗外國咁。（（口靚）模行性感？）無留意，好難判斷係客人需要佢哋咁，抑或係傳媒鍾意影，總之佢哋知自己做咩就得。」

談到落敗的參賽者「港大樂基兒」Winnie，Gaile說：「無留意，似我都OK，唔介意。」Winnie對首次見Gaile感開心：「佢好靚，好nice。我諗我高大得滯所以輸。」

另外，問優勝者Wing Shan Smith會否如時下（口靚）模般行性感？她說：「我想走比較成熟啲嘅路線，況且我年紀太細真係性感唔起。我好鍾意Twins，好想同佢哋合作，（鍾意陳冠希？）no comment。」

文：名人組