11/07/2009

播放本新聞相關短片

筱靖不屑扮吳亭欣

前晚筱靖、吳嘉星及姜皓文等出席《香港亂噏》慰勞宴，穿上一襲低胸裙的筱靖成功搶鏡。她說：「我係扮嘢初哥，羨慕吳嘉星可以扮性感尤物。（會唔會扮同你傳不和嘅吳亭欣？）唔使扮，個節目係扮近期新聞人物。（扮靚模呢？）可以同監製反映。」姜皓文則說：「聽到梁國雄讚我扮佢，好開心！我為呢個節目失眠，遲啲一星期播足五晚，唔知使唔使集集唱歌。」

出錢請客的張永霖表示：「扮我都得㗎！（點睇陳志雲話無綫冇壟斷？）我哋搜集緊資料，稍後拎出嚟具體再討論。」