今年是「七小福」五十周年，除年尾有慶祝活動，元彪計劃開拍七小福電視劇，他說：「依家籌備緊，若拍得成就會喺內地招募演員，由七小福細細個講到依家，我和成龍、洪金寶就會做番依家嘅角色。」近期功夫片熱，元彪指亦有不少片商邀請他拍功夫片。

黃日華與高鈞賢等人坐在車內拍攝。

陳志雲（右）笑黃日華唱歌難聽，送他一部流動卡拉OK。

黃日華斟回巢

樂易玲頻頻到片場監工，黃日華被問到樂小姐可有邀請他回巢拍劇？有九年未有為無綫拍劇的黃日華說：「都有講過嘅，其實我都想過吓戲癮，不過，擔心年紀大咗體力上應付唔到，希望傾吓畀多啲時間休息啦！」黃日華的女兒近日在棒棒堂演唱會亮相，長得亭亭玉立，問他可希望女兒在幕前發展？他說：「依家才十九歲，讀完書先算啦，佢鍾意做舞台劇多啲。」

另外，黃日華昨日接受《志雲飯局》訪問，獲陳志雲送贈流動卡拉ＯＫ，並嘲笑他唱歌難聽，需要多多練習，難得黃日華毫不介意，更表示會在訪問中暢所欲言，就算感情問題也不會避談。至於最近電視台播放新版本《射鵰英雄傳》，但他最鍾意是自己演的郭靖版本，因為性格似。