陳冠希近日重返香港，為旗下藝人陸永昨晚於北角新光戲院舉行的Talk騷《升呢》撐場。昨日下午Edison身穿背心大晒麒麟臂先返公司，被指激瘦的Edison更表示：「我邊瘦呀，好正常。」此時他見李璨琛到場，即拉着對方讓記者拍照，態度極為合作，兩人之後才上公司開會。

舊愛上門美甲，不知陳文媛會否暫避風頭？	陳冠希昨日連走幾場，下午先與李璨琛開會。	陳冠希（右）為陸永的Talk騷主持切燒豬儀式。

信主竟上香

Edison其後往北角，為陸永及C君等人演出的Talk騷主持拜神儀式，已信主的Edison，更不惜破戒上香，祈求演出順利。

Edison與何超儀於後台接受記者訪問時，亦透露將會為超儀的新碟任監製，問及會否開戲給自己，他說：「絕對唔會，其實之前我都收到劇本，但我下一部戲要非常非常小心處理，所以都推咗。（今年復出？）我唔會答，但應該唔會。（因網友抨擊？）我冇睇，唔知唔理，但我覺得自己得。（準備好復出？）都係搞好間公司先啦。」

問到會否回香港長住？Edison回應說：「我喺香港都冇一撻地方叫屋企，冇諗過返嚟長住。」至於陸永在Talk騷中會否提及他，Edison表示：「唔知，如果佢太激會處理佢，（解約？）唔知㗎，希望佢唔會得罪老闆。」

迴避談道歉

當被追問會否往舊愛BoBo店舖修甲時，他即伸出雙手向記者展示說：「你哋話使唔使吖。（BoBo的美甲店於附近喎。）工作人員講咗我知。（會否過去？）睇吓完騷後仲有冇開門。」問及有否向BoBo道歉時，Edison笑而不語，更於工作人員擋駕下離開。此外，大批記者亦於BoBo開設的美甲店拍照，店員及保安即上前阻止。

文：攝：追蹤組