由英皇「一手湊大」的蔡卓妍（阿Sa）最近被雜誌指在其緋聞男友鄭中基（Ronald）愛的招手下，將加盟Ronald父親的唱片公司開展一姐新天地，阿Sa前晚出席活動時力斥報道煲水，堅決否認消息說：「喺呢個池塘游得好開心，冇諗過出大海。」
阿Sa前晚以「唱K大使」身份現身活動，師弟妹鍾舒漫、詩雅、扈佳榮、鄭家維亦有出席，早前有報道指阿Sa是受愛郎Ronald招手促使轉會金牌，她說：「激氣！根本冇啲咁嘅事，呢啲咪煲水新聞囉！第一自己同公司仲有好一段時間嘅合約，第二同公司關係好好，同同事、其他藝人相處都好融洽，冇諗咁多。」
阿Sa亦強調自己熱愛表演，現時一切很好未有打算作出變動，阿Sa就言：「我好少同朋友、家人講公事，事業上我好有主見，冇考慮過檔，喺呢個池塘游得好開心，冇諗過出大海。」
打爆小方個頭
另外，有指阿Sa壓力失陷需接受內科醫生治療，阿Sa則反駁說：「壓力大點解唔係睇心理醫生，不過唔緊要，冇乜人會信！」對於身為金牌歌手的方力申讚她愈做愈好，阿Sa笑言：「朋友嚟㗎嘛，如果話我愈做愈差，信唔信我打爆佢個頭吖嗱？」
同阿爸分得清
至於舉辦這次活動的卡拉OK延長服務時間「唱天光」，阿Sa舉腳讚好說：「有時太夜收工都可以同朋友嚟輕鬆吓。」阿Sa憶述讀書年代經常唱通宵，透露Sa爸同樣唱得，直至打烊才閃人，提到Sa爸，早前亦有報道指他介紹旗下新人陳恩彤入金牌，阿Sa就話：「雖然我哋係父女關係，但其他嘢都好獨立。」
採訪：音樂組